Жыцьцё маё – узьлёты і падзеньні, Трывожны цень на выстылай сьцяне. І там, дзе сустракаюць на адзеньні, – Наіўныя, ня ўбачыце мяне. Дыхне у твар грыбны вятрэц знаём, Лагчына ў малаковым тумане. Няхай камусь прымрояцца прыёмы На гэты раз – і заўтра! – безь мяне. Мараль якіх спэктакляў і учынкаў Ўзрасьце, а ці ўпадзе ў пустой цане? Зялёная, залётная дзяўчынка Прысьніцца вам, ды толькі безь мяне! Ні зайздрасьці ў душы, ані шкадобы. Служу зямлі, дзе промень не пагас. О, рыцары на час, дзяльцы і снобы, Шчасьлівая, я больш ня ўбачу вас.
|
|